Бүгүн, 2025-жылдын 30-ноябрында, Кыргызстанда Жогорку Кенештин депутаттарын шайлоого байланыштуу энергетикалык компаниялар күчөтүлгөн режимде иштеп жатышат.
Энергетика министрлигинин басма сөз кызматы тарабынан берилген маалыматка ылайык, негизги милдет — шайлоочулар жана шайлоо участкалары үчүн туруктуу электр энергиясын камсыздоо.
Күн-түн дежурствосуна 1243 энергетик бөлүнгөн, ал эми 383 бригада жогорулатылган даярдык шартында иштешет.
Оперативдүү жооп берүү үчүн атайын унаалар жана бригада унаалары даярдалган.
Мындан тышкары, күтүүсүз кырдаалдар пайда болгондо, энергетиктер авариялык кырдаалдарды тез арада жоюу үчүн зарыл жабдыктарга ээ.
Электр энергиясын камсыздоо боюнча суроолорду төмөнкү номерлерге берүүңүзгө болот:
Кол-центр: 1209, 105
Оператордун мобилдик номери: 0772 001209, 0556 001209
WhatsApp: 0702 001209
