Кыргыз Республикасы Президентти Садыр Жапаровдун демилгеси жана БУУнун Башкы Ассамблеясынын резолюциясы боюнча эл аралык деңгээлде Тоо региондорун өнүктүрүү боюнча Беш жылдык аракеттер (2023-2027) башталды. Биздин өлкө глобалдык аренада тоо өнүгүүсүнүн маселелерин илгерилетүүгө активдүү катышып, эл аралык байланыштарды бекемдөөгө аракет кылууда. Ушул өлкө ичинде тоо аймактарындагы калк үчүн жашоо шарттарын жакшыртуу боюнча системалуу иштер жүргүзүлүүдө: инфраструктураны өнүктүрүү, транспорт жолдорун модернизациялоо, мамлекеттик кызматтарды цифрлаштыруу, туризмди, айыл чарбасын жана жашыл экономиканы колдоо, ошондой эле социалдык мекемелердин тармагын кеңейтүү.
Бул маанилүү күнү мен Кыргызстандын бардык жарандарын, өнөктөштөрүн жана досторун тоо аймактарын туруктуу өнүктүрүүгө катышууга чакырам: табигатка багытталган чечимдерди кабыл алуу, флора жана фаунаны коргоо, инновацияларды жана экологиялык маданиятты өнүктүрүү, ошондой эле бул тармактарда эл аралык кызматташтыкты колдоо.
Биологиялык ар түрдүүлүктү, салттуу билимдерди жана табият менен гармониялуу жашоону сактоо, ресурстарды рационалдуу пайдалануу жана тоо экосистемаларын коргоо — бул биз келечек муундар үчүн өзүнө алууга тийиш болгон милдеттер.
Улуу тоолор бизди дайыма шыктандырып, рухубузду күчтөндүрүп, эртеңки күнгө ишеним берсин. Алар бардык элдер үчүн тынчтык, гармония жана туруктуу келечектин символу болуп калсын.
Урматтуу мекендештер, майрамыңыздар менен! Эл аралык тоо күнү менен!
