«Тянь-Шань бермети» комплекси курулушунун ачылышында Касымалиев өлкөдөгү курулуш секторунун байкалаарлык өсүшүн белгилеп, жаңы объектилер борбордун андан аркы өнүгүшү үчүн маанилүү стимул болот деген үмүтүн билдирди.
Ал турак жай комплекси 23төн 34 кабатка чейин бийиктиктеги 11 блоктон турарын айтып, мындай имараттар шаарды гана байытып тим болбостон, заманбап архитектуралык стандарттарга жооп берерин кошумчалады.
«Бул турак жай комплекси өзүнүн практикалык жактан гана эмес, ошондой эле көрүнүктүү архитектуралык стили менен айырмаланат. Анын заманбап дизайны, эстетикалык формалары жана шаардык чөйрөнү гармониялуу пландаштыруусу аны биздин шаарыбыздагы эң кооз жана престиждүү объекттердин бири кылат. Келечекте ал маанилүү туристтик жай болуп, эстен кеткис жана символикалык болот», - деди ал.
Ошондой эле Касымалиев комплекстин курамына улуттук стилде жасалган заманбап соода борбору жана мейманкана кирерин баса белгиледи.
«Соода борбору тургундардын күнүмдүк муктаждыктарын канааттандырып, эс алуу мүмкүнчүлүктөрүн сунуштайт. Мейманкана кыргыз элдин маданий мурасын заманбап архитектуралык чечимдер менен бириктирип, районго уникалдуулук жана жагымдуулук берет», - деп кошумчалады ал.
