Кыргыз Республикасынын вице-премьер-министри, ошондой эле суу ресурстары, айыл чарба жана кайра иштетүү өнөр жайы министри Бакыт Торобаев, Кыргызстандагы Катар элчиси Али Джабер Аль-Марри менен жолугушту.
Жолугушуу учурунда тараптар кыргыз-катар кызматташтыгынын ар кандай тармактарындагы негизги маселелерди талкуулашты.
2026-жылы Бишкекте өтө турган өкмөттөр аралык экономикалык, соода жана техникалык кызматташтык боюнча экинчи жыйынды өткөрүүгө даярдыкка, ошондой эле жогорку деңгээлдеги визиттерди уюштурууга өзгөчө көңүл бурулду.
Бакыт Торобаев катарлык инвесторлорго Кыргызстанда өз ара пайдалуу долбоорлорду ишке ашырууда колдоо көрсөтүүгө даяр экенин билдирди.
Али Джабер Аль-Марри болсо кыргыз тарапка жылуу кабыл алганы үчүн ыраазычылык билдирип, мурда жетишилген келишимдерди ишке ашырууда колдоо көрсөтүүгө жана көп тараптуу кызматташтыкты кеңейтүүгө кызыкдар экенин айтты. ```
