Каржылоо социалдык жана экономикалык демилгелерди ишке ашырууга, жаңы жумуш орундарын түзүүгө жана жергиликтүү инфраструктураны өнүктүрүүгө багытталат. Долбоордун катышуучулары ошондой эле маалыматтык колдоо алышат жана окутуу иш-чараларына катыша алышат.
Долбоор региондордогу социалдык-экономикалык абалды жакшыртууга багытталган. 40 айыльдык округдун ичинен 20 эң ийгиликтүү округ келечектеги кеңири форматтагы кызматташууга тандалып алынат.
«Инициатива социалдык объектилерди, суу менен камсыздоо жана электр энергиясын берүү системаларын, ошондой эле ирригациялык долбоорлорду жана экологияга зыян келтирбеген экономикалык демилгелерди өнүктүрүүгө колдоо көрсөтөт», — деп белгилешти Экономика министрлигинин өкүлдөрү.
Мындан тышкары, климатка туруктуу чечимдерди, анын ичинде имараттарды жылуулоо, күн панелдерин, жылуулук насосторун жана башка экологиялык таза технологияларды колдонууга басым жасалган.
