Алардын айтымында, Экономика жана соода министрлиги «Бир айыл— бир продукт» уюму менен келишим түзгөн, ал комплексдүү колдоо көрсөтөт. Бул технологияларга, рецептураларга, упаковкага, брендингге, маркетинг стратегияларына окутууну, ошондой эле сертификаттарды алуу жана продукцияны рынокко чыгаруу боюнча жардамды камтыйт.
Долбоордун координатору, эгер коомчулук жаңы багыт сунуштаса, кошумча изилдөө жүргүзүлүп, анын жыйынтыктары коомдук талкууга чыгарылып, кийинчерээк социалдык-экономикалык өнүктүрүү программасына киргизилерин белгиледи.
40 айыльдык округдун ичинен 20sи тереңдетилген форматта иш жүргүзүү үчүн эң келечектүү катары тандалат. Каржылоо кайтарымсыз гранттар түрүндө берилет.
Экономика министрлигинин өкүлдөрү долбоор жаңы жумуш орундарын түзүүгө, жашоо деңгээлин жакшыртууга жана жергиликтүү экономиканы бекемдөөгө багытталганын, ошондой эле тургундарга өзүнүн демилгелерин ишке ашырууга мүмкүнчүлүк берерин, ошол эле учурда өз айылдарында калууга мүмкүндүк берерин баса белгилешти.
