Кыргызстанда "Сауданы колдоо" долбоору башталды, ал табигый бал өндүрүүчүлөр үчүн жаңы мүмкүнчүлүктөрдү түзөт. Улуттук тегерек столдо долбоордун координатору Сауле Жумаева, бул демилге онлайн-сатуу жана кыргыз балын чет өлкө рыногунда илгерилетүүгө багытталганын айтып берди.
Сауле Жумаева белгилегендей, арачыктар жана кайра иштетүүчүлөр интернет-дүкөндөрдү түзүү, санариптик маркетинг жана электрондук соода платформаларын колдонуу боюнча окутуудан өтүшүүдө. Бул аларга балды өлкө ичинде гана эмес, ошондой эле делдалдарсыз чет өлкө рыногуна түз чыгып сатууга мүмкүнчүлүк берет.
"Онлайн-сатуунун өнүгүшү биздин арачыктар жана кооперативдер үчүн жаңы мүмкүнчүлүктөрдү түзөт. Эми алар өз продукцияларын ички рынокто гана эмес, ошондой эле эл аралык кардарларга түз сатууга мүмкүнчүлүк алышат," - деп баса белгиледи ал.
Мындан тышкары, долбоор экологиялык таза технологияларды киргизүүгө көңүл бурат. Ишканалар пакеттерди жуу үчүн заманбап жабдууларды алышат, бул традициялык ыкмаларга салыштырмалуу суунун колдонулушун 30% кыскартууга мүмкүндүк берет. Жаңы техника контейнерлерди терең дезинфекциялоону камсыз кылып, иштетүү процессин жеңилдетет жана жакшыртат, ошондой эле өндүрүш чыгымдарын азайтат.
Жумаева санариптик чечимдерди жана экологиялык жактан коопсуз технологияларды интеграциялоо өндүрүмдүүлүктү жогорулатат жана кыргыз балын дүйнөлүк рынокто сапаттуу жана атаандаштыкка жөндөмдүү продукт катары илгерилетүүгө көмөктөшөт деп баса белгилейт.
"Санариптик инструменттер менен айлана-чөйрөгө кам көрүүнүн айкалышы кыргыз балдын позицияларын бекемдөөгө жана анын табигый жана премиум сапаттарын тастыктоого жардам берет," - деп кошумчалады долбоордун координатору.
