Кыргызстанда «Кичи жана орто ишкердик субъекттерин жеңилдетилген кредиттөө» долбоору активдүү ишке ашырылууда, ал жергиликтүү бизнести колдоого, региондорду өнүктүрүүгө жана «жашыл» экономикага көмөктөшүүгө багытталган.
Каржы министрлигинин маалыматы боюнча, 2025-жылдын 9-октябрына карата 49 кичи жана орто ишкана аталган долбоордун алкагында 143,98 миллион сом суммасында кредит алган.
Долбоор 2025-жылдын 29-апрелинде министрлер кабинетинин № 354-р буйругу менен бекитилген. Анын негизги максаты — ишкерлерге жана жеке адамдарга экономикалык өсүүнү стимулдаштыруу, жаңы жумуш орундарын түзүү жана кедейчилик деңгээлин төмөндөтүү үчүн төмөн пайыздык жана жеңилдетилген кредиттерге жеткиликтүүлүктү камсыз кылуу.
Долбоордун аткаруучусу «Ишкердикти өнүктүрүү фонду» акционердик коомунун «Микрокредиттик компаниясы» болуп, кичи жана орто ишканаларга жеңилдетилген шарттарда кредит берүү милдети жүктөлгөн.
2025-жылга карата жалпы каржылоо бюджети 500 миллион сомду түзөт.
