Шыкмаматовдун айтымында, сунушталган мыйзам долбоору ювелирлерге башка өлкөлөрдө жеткиликтүү эмес артыкчылыктарды пайдаланууга мүмкүнчүлүк берчү шарттарды камтыйт. Мисалы, Лондон биржасынан 2% арзандатуу менен алтын сатып алуу мүмкүнчүлүгү жана 180 күнгө чейин төлөмдү кечиктирүү пландалууда. Ювелирдик тармак үчүн салык ставкасы жалпы айлануудан 0,25% гана түзөт.
Мындан тышкары, ал бул чараларды киргизүү ювелирдик бизнесин легалдаштырууга, жаңы жумуш орундарын түзүүгө, эмгек миграциясын азайтууга жана өлкөдөгү социалдык-экономикалык абалды жакшыртууга көмөктөшө турганын белгиледи. Ювелирдик тармак маанилүү потенциалга ээ жана мамлекеттин колдоосу менен жакынкы беш жылдын ичинде туруктуу өнүгүүгө жетише алат.
