Түркиянын Кахраманмараш шаарында жумушчу сапарынын алкагында ГНСтин төрагасы Алмамбет Шыкмаматов университеттин ректору Алпаслан Джейлан менен жолугушту. Ал ошондой эле Түркиядагы традициялык кол өнөрчүлүк жөндөмдөрү заманбап технологиялар менен айкалышкан жергиликтүү зергердик ишканалардын иши менен таанышуу мүмкүнчүлүгүнө ээ болду.
Кахраманмараштын зергерлер палатасынын мүчөлөрү менен болгон жолугушууда кызматташтыктын келечеги, ошондой эле квалификациялуу адистерди даярдоо жана техникалык чөйрөдө тажрыйба алмашуу маселелери талкууланды.
Алмамбет Шыкмаматов «Манас» университети менен биргелешкен долбоордун алкагында зергерчилик боюнча адистерди даярдоого багытталган факультет ачуу пландалып жатканын белгиледи. Бул жаңылык, анын айтымында, зергерчилик продукциясынын сапатын кыйла жогорулатат, жергиликтүү өндүрүүчүлөр үчүн кошумча мүмкүнчүлүктөрдү түзөт, ассортиментти кеңейтет, атаандаштыкка жөндөмдүүлүктү жогорулатат жана экспорттун көлөмүн арттырат. Натыйжада, бул кыргыз зергердик буюмдары үчүн эл аралык аренада жаңы мүмкүнчүлүктөрдү ачат жана өлкөнүн жогорку сапаттагы продукция өндүрүүчү катары репутациясын бекемдейт.
