Кыргызстанда зергерчилик тармагын колдоо үчүн бирдиктүү салык ставкасы 0,25% га төмөндөтүлдү.
Бул маалыматты Мамлекеттик салык кызматынын төрагасынын орун басары Кубанычбек Ысабеков “Жетинчи каналга” берген интервьюсунда билдирди.
Анын айтымында, өлкөдө жыл сайын 20 дан 25 тоннага чейин алтын өндүрүлөт, бирок жергиликтүү зергерчилик продукциясын колдоого багытталган чаралар толук ишке ашырылган жок.
«2025-жылы расмий маалыматка ылайык, биздин өндүрүүчүлөр 68 миң зергерчилик буюмдарын жасап, бул 140 кг алтынга барабар. Ошол эле учурда импорт 442 миң буюмду түзүп, бул 1500 кг алтынга тең, башкача айтканда, он эсе көп. Бул боюнча жергиликтүү өндүрүштү коргоо жана өнүктүрүүгө багытталган жаңы чаралар кабыл алынды, анын ичинде бирдиктүү салык ставкасын 0,25% га төмөндөтүү», — деп белгиледи Кубанычбек Ысабеков.
