Жолугушууга чек аралык райондордун акимдери жана облустун күч структураларынын жетекчилери да катышты. Негизги көңүл Кыргызстан менен Тажикстандын мамлекеттик чек арасына байланыштуу маселелер чечилгенден кийин эки региондун ортосундагы мамилелерди өнүктүрүү перспективаларына бурулду.
Облустардын лидерлери президенттер Садыр Жапаров менен Эмомали Рахмондун жетишкен чек ара келишими Баткен жана Согдий облустарынын ортосундагы кызматташтык үчүн жаңы горизонтторду ачканын белгилешти.
Жолугушууда чек аралык региондордун калкы арасында жакшы коңшулук мамилелерди жана макулдашууну бекемдөө боюнча чаралар, ошондой эле бул аймактардагы коопсуздукту камсыз кылуу маселелери жана социалдык-экономикалык өз ара аракеттенүүнүн приоритеттүү багыттары талкууланды.
Мындан тышкары, тараптар чек араны делимитациялоонун натыйжасында алмаштырылуучу айылдардын тургундарын көчүрүү иштерин аяктоо, ошондой эле алмашууга кирген турак үйлөр жана социалдык объектилер боюнча инвентаризацияны аяктоо маселелерин талкуулашты. Бардык процесс ийгиликтүү жана өз ара түшүнүү атмосферасында өттү.
Ошондой эле жетекчилер чек араны андан ары демаркациялоо алкагында тосмолорду, бактарды жана коммерциялык объектилерди тазалоо боюнча иштер улантыларын, ошондой эле жергиликтүү калк арасында түшүндүрүү иштеринин жүргүзүлөөрүн белгилешти.
