Бул автопарктын баасы 92,6 миллион сомду түзөт.
«Мамлекеттик бюджеттин эсебинен алынган унаалар суу ресурстары кызматына жана балык чарба департаментине бөлүштүрүлөт», - деп айтылат маалыматта.
Касымалиев өз сөзүндө агрардык сектор мамлекеттик саясатта, президенттин жетекчилиги астында жүргүзүлүп жаткан негизги позицияны ээлеп турганын жана өлкөнүн реалдуу экономикасынын негизги кыймылдаткычы экенин белгиледи.
«Агрардык сектор өнөр жайдын өнүгүүсүндө маанилүү роль ойнойт. Кыргызстанда сезондук жана жыл бою иштеген кайра иштетүү ишканаларынын саны 425ке жетти. Президенттин демилгеси менен жыл сайын жүздөгөн жаңы ишканалар ачылууда. Бул жылы 119 жаңы уюм ишке киргизилди, алардын жарымынан көбү, тактап айтканда 53%, айыл чарба жана кайра иштетүү менен байланыштуу», - деп кошумчалады ал.
Төрага ошондой эле өлкөнүн суу чарбасындагы ирригациялык тармакты модернизациялоо жана техникалык жабдуулар менен камсыз кылуунун маанилүүлүгүн баса белгиледи.
«Эгер 2024-жылы ирригация үчүн 1 миллиард сом бөлүнсө, 2025-жылдын 11 айында бул көрсөткүч 1,7 миллиард сомуна жетти. Суу агымдарын жөнгө салуу үчүн каналдарды тазалоо, куруу жана бекемдөө, ошондой эле бассейндерди куруу боюнча активдүү иштер жүрүп жатат. 2024-2025-жылдар аралыгында айыл чарба министрлигинин бардык суу чарба кызматтарынын иш шарттарын жакшыртуу максатында 286 даана атайын техника сатып алынды», - деп билдирди ал.
Мындан тышкары, министрлик Бишкектеги Т. Усубалиев атындагы аянтта жана Асанбай микрорайонунда азык-түлүк продукциясынын жарманкесин өткөргөнү тууралуу маалымдады. Продукция базар баасынан төмөн баада сатылууда жана мындай иш-чаралар өлкөнүн ар кайсы аймактарында жазгы сезонго чейин ар жума сайын өткөрүлөт.
