Берилген маалыматка ылайык, Премьер-министр Адылбек Касымалиевдин 2024-жылдагы кирешеси 3 миллион 71 миң 349 сом жана 63 тыйынды түзөт. Чыгымдар тууралуу маалымат жок.
Касымалиевдин менчигинде: 90 миң сомго бааланган мебель, 80 миң сомдук аудио-, видео- жана фототехника, 25 миң сомдук компьютерлер жана оргтехника, ошондой эле 40 миң сомдук үй-техника бар. Мындан тышкары, башка кыймылдуу мүлктөр 3 миллион 700 миң сомду түзөт.
Жакын туугандарынын кирешелери 5 миллион 146 миң 460 сомду түзсө, чыгымдары 2 миллион 493 миң 519 сомду түзгөн.
Туугандарына таандык мүлктөрдүн арасында 216,7 кв.м аянттагы турак үй жана жалпы аянты 1529,2 кв.м болгон капиталдык имараттар бар. Ошондой эле, алар 574 кв.м аянттагы үй-жай, дачалык жана бакча жерлерине жана 130 кв.м аянттагы айыл чарбасына жатпаган жер участокторуна ээ.
Мындан тышкары, жакын туугандарынын 1 миллион 400 миң сом жана 2 миллион 753 миң 100 сомдук жеңил унаалары, фургондору жана пикапдары бар. Ошондой эле, мүлктөрдүн арасында 50 миң сомдук мебель, 70 миң сомдук үй-техника жана жалпы баасы 4 миллион 200 миң сомду түзгөн башка кыймылдуу мүлктөр бар.
