Маалыматка ылайык, 13-январда Сокулук районунун Ички иштер бөлүмүнө Кожомкул айылында жашаган 16 жаштагы С. А. кайрылган. Ал, болжол менен 00:30 чамасында, өзүнө жакшы тааныш эмес эки жигиттин келип, физикалык күч колдонуп, аны Step Wagon үлгүсүндөгү унаага күч менен отургузуп, никеге мажбурлоо максатында уурдап кеткенин айтып берген.
Бул факт боюнча милицияда никеге мажбурлоо максатында адам уурдоо боюнча кылмыш иши козголду.
Кыска убакыттын ичинде эки шектүү кармалды: 2001-жылы туулган Б. Н. жана 2002-жылы туулган Ш. Н. Алар убактылуу кармоо жайына жайгаштырылды.
