2025-жылдын 31-декабрында Ысык-Ата районунун ички иштер бөлүмүнө Дмитриевка айылынан жашаган У.И. (2004-жылы туулган) көптөгөн дене жаракаттары менен Чүй облусунун медициналык жардам көрсөтүү борборуна жеткирилгендиги тууралуу маалымат келип түштү. Алдын ала маалыматтар боюнча, жаракаттар белгисиз адамдардын кол салуусунан улам алынган.
Бул факт боюнча Кыргыз Республикасынын Кылмыш кодексинин 130-беренесине ылайык, оор дене жаракаттарын келтирүү боюнча кылмыш иши козголду.
Оперативдүү-издөө иш-чараларынын жүрүшүндө укук коргоо органдары тарабынан эки адам кармалды: Т.Р. (2003-жылы туулган) жана А.У. (2005-жылы туулган). Эки шектүү Кыргыз Республикасынын Кылмыш процессуалдык кодексинин 96-беренесине ылайык, убактылуу кармоо жайына жайгаштырылды.
Ошондой эле, бул кылмышка тиешеси болушу мүмкүн болгон башка адамдар да аныкталды. Аларга байланыштуу учурда тергөө иштери жүргүзүлүүдө.
