Аймактагы Ички иштер башкармалыгындагы булактардан маалым болгондой, Токмок шаардык Ички иштер бөлүмүнө И. А. (1976-жылы туулган) аттуу аял кайрылып, уулу И. С. (1992-жылы туулган) боюнча чара көрүүнү өтүнгөн.
И. А.нын айтымында, октябрь айында уулу, алкогольдун таасиринде болуп, жаман сөздөрдү айтып, ага дене жаракаттарын келтирген. Натыйжада аялдын сол колу сынып калган. Соттук-медициналык экспертиза ден соолукка келтирилген зыяндын жеңил экенин тастыктады.
Окуя боюнча Кыргыз Республикасынын Кылмыш кодексинин 177-беренеси "Үй-бүлөлүк зомбулук" боюнча кылмыш иши козголду.
Кыргыз Республикасынын Кылмыш процессуалдык кодексинин 96-беренесине ылайык, 31 жаштагы И. С. ушул кылмышты жасоого шектелип кармалып, убактылуу кармоо жайына жайгаштырылды. Тергөө иштери уланууда.
