Чүй облусунда унаа менен ири алдамчылыкка шектелген адам кармалды, деп билдирет Чүй облусунун Ички иштер башкармалыгынын басма сөз кызматы.
Укук коргоо органдарынын маалыматына ылайык, 2025-жылдын 26-мартында Аламудун районунун Ички иштер бөлүмүнө 1987-жылы туулган жаран С.С. кайрылган. Ал 2024-жылы М. аттуу эркек адамдын алдамчылык жолу менен үч унаа алганын билдирген: 23 000 долларга 2018-жылкы Toyota Hilux, 7 000 долларга 2003-жылкы Honda Stream жана 15 000 долларга 2018-жылкы Hyundai Sonata, ошондой эле 20 000 доллар акча алып, курулуш бетон менен эсептешүүгө убада берген. Учурда аталган адам жашыруун жүрөт.
Окуя боюнча Кыргыз Республикасынын Кылмыш кодексинин 209-беренеси (Алдамчылык) боюнча кылмыш иши козголду.
2025-жылдын августунда Аламудун районунун тергөө органдары Б.М. аттуу жаранды айыпталуучу катары тартуу чечимин кабыл алышты. Анын үстүнөн сот тарабынан сыртынан камакка алуу чарасы тандалды, андан кийин ал издөө жарыяланды.
Оперативдүү-издөө иш-чараларынын жүрүшүндө 1988-жылы туулган Б.М.нын кайда экендиги аныкталды. Ал Кыргыз Республикасынын Кылмыш процессуалдык кодексинин 96-беренесинин нормаларына ылайык кармалып, убактылуу кармоо жайына жайгаштырылды.
Учурда кармалган адам тарабынан жасалган башка кылмыштарды аныктоо боюнча тергөө иштери улантылууда.
Тергөө уланууда.
