Баткен облустук Ички иштер башкармалыгынын пресс-кызматы 52 жаштагы Ы.А. аттуу жарандын ички иштер бөлүмүнө кайрылганын билдирди. Ал 2022-жылдын майында Жалал-Абад облусунун Тогуз-Тороу районундагы Казарман айылынан Б.Б.А. аттуу жаран алдамчылык жолу менен 5000 долларды алып, унаа сатып алууга жардам берүүгө убада бергенин, бирок акчаны азыркыга чейин кайтарбаганын айтты.
Бул факт боюнча Кыргыз Республикасынын Кылмыш-жаза кодексинин 209-беренеси (алдамчылык) боюнча кылмыш иши козголду.
Оперативдүү-издөө иш-чараларын жүргүзгөндөн кийин шектүү Бишкекте кармалып, Баткенге жеткирилди.
Учурда тергөө иштери улантылууда.
