Ош облусунун Ички иштер башкармалыгынын маалыматына ылайык, 2024-жылдын 22-октябрында 28 жаштагы Ош шаарынын тургуну А. Д. жергиликтүү милиция бөлүмүнө кайрылган. Ал 2024-жылдын 31-январында К. З. анын ишенимин утуп алып, 2018-жылы чыгарылган Cadillac Escalade унаасын $80 миңге сатып алганын, бирок көрсөтүлгөн сумманы толук төлөбөгөнүн айтып берген.
Оперативдүү-издөө иш-чараларын өткөргөндөн кийин, 2025-жылдын 18-ноябрында К. З. кармалып, убактылуу кармоо жайына жайгаштырылды.
Учурда укук коргоо органдары К. З.нын башка мыйзам бузууга катыштыгын текшерүүдө.
