Ал катышуучуларга 2023-жылы логистикалык борборду түзүү идеясы айтылганын эске салды, бирок анын пикиринде, бул маселе азырынча чечилген эмес.
«Курулуш 2028-жылы гана пландалууда, ал эми маркетплейстер активдүү өнүгүп жатат. Неге чечимди кечиктирип жатасыздар?» — деген суроолор менен ал өкмөт өкүлдөрүнө кайрылды.
Экономика министри Бакыт Сыдыков октябрда ведомствого логистикалык борборду куруу боюнча маркетплейстердин биринен суроо келгенин билдирди, андан кийин бул багытта иштер кыйла жанданды.
Ошондой эле Борбиев көлеңкөлүү экономикада иштеп жаткан тигүүчү ишканалардын темасын көтөрүп, бул тармакты легалдаштыруу үчүн кандай аракеттер көрүлүп жатканын сурады.
Экономика министрлиги тигүүчүлөр үчүн салык жеңилдиктери киргизилгенин, түшүндүрүү иш-чаралары өткөрүлүп жатканын жана зарыл колдоо көрсөтүлүп жатканын билдирди. Мындан тышкары, октябрдан баштап тигүү тармагынын өкүлдөрү үчүн жарманкелер уюштурулууда, жана мындай демилгелер азыркы учурда да улантылууда.
