Маалыматка ылайык, 2025-жылдын 30-январында шаардык ички иштер бөлүмүнө 2003-жылы туулган 22 жаштагы жаран Д.А. таанышынан өз ыктыярына каршы сексуалдык зомбулукка кабылгандыгы тууралуу арыз менен кайрылган.
«Арыз Каракол шаардык ИИБдин электрондук каттоо журналында катталган, андан кийин алдын ала териштирүү иштери башталган. Текшерүү учурунда соттук-медициналык экспертиза дайындалган, ал эми шектүү катары 1995-жылы туулган Т.Б. Ак-Суу районунан белгиленген», — деп такташты милиция.
Кийинчерээк арыз ээси милиция органдарына арызын кайтарып алууну өтүнүп, бир нече жолу кайрылган. Соттук-медициналык экспертизанын жыйынтыгы боюнча зордуктоо фактысын тастыктаган белгилер табылган эмес.
Алгачкы чечим, тергөө органдары тарабынан кабыл алынган, прокуратура тарабынан жокко чыгарылып, иштин материалдары кошумча текшерүү үчүн кайтарылган. Бирок, тараптардын өз ара макулдугун эске алып, кылмыш иши козголгон жок.
Учурда, интернетте пайда болгон видео кайрылуунун фонуна карата, иштин материалдары кайрадан Каракол шаардык ИИБдин электрондук журналында катталган жана жаңы алдын ала текшерүү жүргүзүлүүдө.
Милиция текшерүүнүн жыйынтыгы боюнча кошумча маалымат берүүгө убада кылды», — деп кошумчалашты билдирүүдө.
