Кыргыз Республикасынын Маданият министрлиги 2026-жылы кыргыз тилинде анимациялык фильмдерди жаратууга 50 миллион сом бөлөт. Бул тууралуу Маданият, маалымат, спорт жана жаштар саясаты министринин орун басары Марат Тагаев Жогорку Кеңеште сүйлөгөндө билдирди.
Тагаевдин айтымында, Кыргызстанда мамлекеттик тилде балдар үчүн мультфильмдердин жетишсиздиги чоң көйгөй болуп турат. Бул маселени чечүү үчүн министрлик заманбап технологияларды колдонууну пландаштырууда.
«Жасалма интеллектти киргизүү анимация жаратуунун процесин түп тамырынан өзгөртүп, аны кыйла жеткиликтүү кылды. 50 миллион сомдун жалпы суммасында жаңы анимациялык тасмаларды өндүрүүгө 30 миллион сом бөлүүнү пландаштыруудабыз, калган 20 миллиону белгилүү мультфильмдердин кыргыз тилине профессионалдуу дубляжына жумшалат», - деп кошумчалады министрдин орун басары.
Мындан тышкары, Тагеев жылдын аягына чейин министрлик бир же эки эмес, бүтүндөй жүздөгөн мультфильмдерди сунуштоону пландаштырууда. Жаралган контент улуттук телеканалдарда гана эмес, YouTube платформасында да жеткиликтүү болот, бул болсо мүмкүн болушунча көп балдарды камтууга мүмкүндүк берет.
