Келишимдин күтүлгөн суммасы 11 миллион 500 миң сомду түзөт. Ариза кабыл алуу 2025-жылдын 13-ноябрында саат 11:00гө чейин уланат.
Техникалык тапшырмага ылайык, долбоор кыргыз тилинде балдардын сүйлөө жөндөмдөрүн өнүктүрүүгө көмөктөшүшү керек. Бул оюн элементтери, жөнөкөй диалогдор, кайталаган фразалар жана оригиналдуу ырлар аркылуу жетишилет. Мультсериал өлкөдө мамлекеттик тилде түзүлгөн мындай контенттин биринчи болуп, балдардын эрте когнитивдик жана тилдик өнүгүшүнө багытталган.
Техникалык тапшырма боюнча, Full HD (1920×1080) форматында 153 мүнөттөн кем эмес оригиналдуу анимация түзүү, 2D-анимацияны колдонуу, уникалдуу каармандарды (2ден 5ке чейин герой) иштеп чыгуу, бай түстүү палитра жана тынч музыкалык фон менен камсыз кылуу каралган. Актерлердин үн жаздыруудагы дикциясынын сапатына, музыкалык чыгармалардын оригиналдуулугуна жана аудиториянын жаш курак талаптарына жооп берүүгө чоң көңүл бурулат.
Бардык материалдар, анын ичинде сценарийлер, раскадровкалар жана акыркы видео- жана аудиофайлдар, заказчыга толук көлөмдө, долбоордун баштапкы файлдары жана колдонулган программалык каражаттар боюнча документация менен бирге берилүүгө тийиш.
