Университеттин маалымат кызматына ылайык, Нурзат спорт жана билим берүү тармагында 25 жылдык кесиптик ишмердүүлүгүн белгилеп жатат. Анын жетекчилигинде «Университет» командасы үч жолу өлкөнүн чемпиону болуп, төрт жолу Кыргызстандын Волейбол федерациясынын президентинин Кубогун жеңип алган.
— Нурзат, салам! Өзүңүз тууралуу бир аз айтып берсеңиз.
— Мен 1985-жылдын 14-январында Ош облусунун Алай районундагы Согонду айылында төрөлгөм. 2001-жылы Сарбан Жаанбаев атындагы мектепти аяктап, Ош гуманитардык-педагогикалык институтуна физикалык тарбия факультетине кирип, дене тарбия мугалими дипломун алдым.
2004-жылы мен Ош облусунун волейбол командасынын мүчөсү болдум. 2007-2009-жылдары ОшТУнун физикалык тарбия кафедрасында окутуучу болуп иштедим. 2011-жылдан бери Ош мамлекеттик университетинин факультет аралык физикалык тарбия кафедрасында сабак берип, бир эле учурда университеттин аялдар волейбол командасынын башкы машыктыруучусумун.
— Сиз спортко жана машыктыруучулук ишмердүүлүккө кандайча келдиңиз?
— Менин спортко болгон жолум бала кезимде, Согонду айылындагы мектепте окуп жатканда башталды. Эрте кезден физикалык активдүүлүккө кызыгуум пайда болду. Алгач мен жеңил атлетика менен алектенсем, сегизинчи класстан тарта волейболго кызыгып баштадым. Ошондон бери бул спорт түрү менин жашоомдун маанилүү бөлүгүнө айланды.
— Спортто карьера тандоого эмне түрткү берди?
— Мен үчүн таасирдүү фигура физкультура мугалимим болду. Анын кесипкөйдүгү жана өзүнө болгон ишеними мен үчүн үлгү болду. Ошол учурда мен да ошондой мугалим жана машыктыруучу болууну кыялдана баштадым. Бүгүн мен ушул кыялымды ишке ашырып жатам.
— Волейболду кесип катары тандоо оңой болду беле?
— Жок, бул оңой тандоо болгон жок. Волейбол жогорку дисциплинаны жана туруктуу эмгекти талап кылат. Мен бул жолду аң-сезимдүү түрдө тандап, 2004-жылы облустук командада ойноп жатып, спорттогу жоопкерчилик жана атаандаштыкты толук түшүндүм. Бул тажрыйба менин машыктыруучулук ишмердүүлүгүмдү даярдады.
— Кыргызстандагы аялдар машыктыруучуларынын ролун кандай баалайсыз?
— Бул чоң жоопкерчилик, айрыкча эркектер көп болгон чөйрөдө. Өз ордун сөз менен эмес, иш менен далилдөөгө туура келет. Убакыттын өтүшү менен иштин натыйжалары өздөрү айтып берет.
— Кыздар менен иштөөдө кандай кыйынчылыктарга туш болосуз?
— Кыздардын психологиялык аспекттери көбүрөөк назик, жана кээде жашоо шарттары алардын оюнна таасир этет. Машыктыруучу катары мен тактикадан тышкары, алардын сөзүн угуп, түшүнүшүм керек.
— Командаңыздын ийгиликтерине жетишүүгө кандай принцип жардам берет?
— Негизги принциптер — дисциплина жана өз ара урматтоо. Командалык оюнда команданын кызыкчылыктары жеке кызыкчылыктардан жогору болушу керек. Дисциплинасыз жеңиште туруктуулукка жетишүү мүмкүн эмес.
— Университет «Университет» командасынын спортчуларына кандай жардам көрсөтөт?
— Университет бизге чоң колдоо көрсөтөт. Эң маанилүү аспектилердин бири — команда мүчөлөрү үчүн контракттык төлөм боюнча жеңилдиктер, ошондой эле стипендиялар жана жатаканада жайгашууга жардам. Бул мотивацияны жаратып, билим алуу менен спортту айкалыштырууга жардам берет, моралдык жана социалдык жактан колдоп турат. Натыйжада, спортчулар машыгууларга жана мелдештерге даярдыкка көңүл бурууга мүмкүнчүлүк алышат. Университеттин системалык колдоосу командабыздын ийгилигине жана анын натыйжаларына түздөн-түз таасир этет деп айта алам.
— Сиздин жетишкендиктериңиз, мисалы, спорттун чебери наамы жана «Физикалык тарбия жана спорттун отличниги» наамы — бул сиздин эмгегиңиздин жыйынтыгы. Кандай жаңы бийиктиктерге жетүүнү пландап жатасыз?
— Ар бир наам мага жоопкерчилик жүктөйт. Менин кийинки максатым — «Эмгек сиңирген машыктыруучу» наамын алуу. Азыр мен керектүү нормаларды аткарып, документтерди даярдап жатам.
— Сизге апа, машыктыруучу жана окутуучу ролдорун айкалыштыруу кандайча мүмкүн болууда?
— Кээде мен апа катары күнөөлүү сезимде болом, анткени балдарым менен жетиштүү убакыт өткөрө албайм. Эгер менин жолдошумдун колдоосу болбосо, бул жүктөмдү көтөрүү мен үчүн өтө кыйын болмок. Үй-бүлөдөгү түшүнүшүү мен үчүн чоң жеңиш.
— Балдарыңыз спортту кандай кабыл алышат? Алар сиздин жолуңузду улантышабы же өз тандоосун жасашабы?
— Жок, алар өздөрү тандоону жасашты. Биз спорттук үй-бүлөбүз, бирок менин балдарым волейболду эмес, футболду тандашты. Эки уулум Ош шаарындагы U15 жана U17 жаштар категориясындагы командаларда ойношот. Менин улуу уулум Дамирлан футбол боюнча спорттун чеберине талапкер.
— Жаш спортчуларга азыркы шарттарда кандай кеңеш берер элеңиз?
— Мен сунуштайт элем: спорт менен гана чектелбеңиздер, билим алууга милдеттүү түрдө көңүл буруңуздар. Саламаттыкка кам көрүү, билим алуу жана өзүңүзгө кам көрүү — бул келечектеги ийгиликтин ачкычы.
— Кыргыз волейболунун келечегин кандай көрөсүз?
— Соңку жылдары оң өзгөрүүлөр байкалууда. Биздин кыздар Азия Кубокторуна катышып, жеңиштерди жараткандыгы келечекке үмүт берет.
