Табигый ресурстар, экология жана техникалык көзөмөл министринин орун басары Асель Раимкулова отчетун сунуштады.
Чүй облусундагы Боз-Болток тоо массивинде кум жана гравий казып алуу боюнча активдүү жана убактылуу токтотулган ишканалардын саны тууралуу депутат Табылды Муратбеков суроо берди.
Бул суроого Экологиялык жана техникалык көзөмөл кызматынын директору Бекжан Султангазиев жооп берип, текшерүү учурунда 21 ишкана убактылуу жабылганын, бирок аныкталган мыйзам бузууларды жоюгандан кийин алардын лицензиялары калыбына келтирилгенин билдирди.
