Сейитов кайра иштетүү өнөр жайы өлкөдөгү жалпы өнөр жай өндүрүшүнүн болжол менен 80%ын түзөөрүн белгиледи.
Мындан тышкары, быйыл 100 жаңы ишкананы түзүү программасынын ишке ашырылышы улантылууда. «Биз жыл ичинде ачууну пландаштырган жүз ишкананын тизмесин бекиттик», – деп кошумчалады ал.
Сейитовдун айтымында, курулуш сектору, кызмат көрсөтүү тармагы жана өнөр жай Кыргызстандын экономикалык өсүшүнүн негизги драйверлери болуп саналат.
Өнөр жайдагы өсүш, орун басар министрдин белгилөөсү боюнча, 2024-2025-жылдары курулган жаңы ишканалардын ишке кириши менен байланыштуу. «Бул жаңы өндүрүштөр кошумча баалуулуктарды түзүүгө жана экспорттук жеткирүүлөрдү, ошондой эле ички суроо-талапты канааттандырууга жардам берет. Түзүлгөн инфраструктура өлкөнүн өнөр жай потенциалын кыйла бекемдейт жана экономикалык өсүшкө өз салымын кошот», – деп жыйынтыктады ал.
