Маанилүү маселелердин бири заманбап технологияларды киргизүү, анын ичинде бонустук система менен фандоматтарды орнотуу болду. Бул чечимдин негизги максаты — жарандарды таза ПЭТ бөтөлкөлөрдү жана алюминий банкаларды тапшырууга мотивациялоо, пайдалуу адаттарды калыптандыруу жана экологиялык маданиятты жана экологиялык ишкерликтин деңгээлин жогорулатууга көмөктөшүү.
Иш-чаранын катышуучулары фандоматтарды соода тармактарында, базарларда, күйүүчү май станцияларында, тамактануу борборлорунда жана окуу жайларында орнотууну сунушташты. Талкуу учурунда алар ийгиликтүү мисалдар жана конкреттүү демилгелер менен бөлүшүштү.
Мындан тышкары, катышуучуларга экологиялык таза пакеттерди колдонууга өтүү идеясы сунушталды, бул өлкөдө пластик буюмдардын айлануусун чектөө боюнча жалпы улуттук демилгеге байланыштуу.
