Облус боюнча коллегияда берилген маалыматка ылайык, СПИДдин биринчи учуру 2005-жылы катталган. Ошондон бери 316 бейтап катталган, алардын 80и, тилекке каршы, каза болгон. ВИЧ менен жашаган адамдардын арасында 64,3% эркектер, 36% аялдар түзөт.
2023-жылдын август айынан бери Нарын облустук Вирустук гепатиттер жана ВИЧ боюнча контролдоо борбору Ак-Тал, Жумгал, Кочкор жана Нарын райондорунда жылжымалуу мобилдик клиника аркылуу профилактикалык текшерүүлөрдү жүргүздү. Жалпы 6 486 адам текшерүүдөн өттү. ВИЧ, вирустук гепатиттер B жана C, ошондой эле жыныс аркылуу жугуучу инфекциялар боюнча өткөрүлгөн экспресс-тесттер текшерилгендер арасында жаңы ВИЧ учурларын аныктаган жок.
Ошентсе да, 54 адамда вирустук гепатит B, 44 адамда вирустук гепатит C, ал эми 6 адамда сифилис аныкталды. Бул бейтаптар инфекционист жана дерматовенерологго кошумча текшерүү жана дарылоо үчүн жөнөтүлдү.
Мобилдик клиниканын ишинин алкагында үй-бүлөлүк дарыгер, акушер-гинеколог, маммолог, УЗИ дарыгери жана лаборант иштеди. Райондун тургундары дарылоо боюнча кеңештер жана сунуштар алышты», - деп билдирилет пресс-релизде.
// Turmush
