Бул пландын негизинде, 2030-жылга чейин милдеттүү медициналык камсыздандыруу менен 85% калкты камтуу көздөлүүдө, ал эми жарандардын орточо жашоо узактыгы 75 жашка чейин жогорулашы керек. Ошондой эле, энелердин өлүм деңгээлин 100 миң жаңы төрөлгөн балага 22 учурга чейин төмөндөтүү каралган.
Программада 5 жашка чейинки балдардын өлүм деңгээлин 1 миң балага 14 учурга чейин азайтуу жана инфекциялык эмес оорулардан эрте өлүмдү 30% га кыскартуу зарылдыгы белгиленген. Инфекциялык эмес ооруларга жүрөк-кан тамыр системасынын оорулары, онкология, диабет жана хроникалык обструктивдүү өпкө оорулары кирет.
План ошондой эле калктын оорулардын алдын алуу, эрте кийлигишүү жана баштапкы медициналык-санитардык жардам кызматтарына жеткиликтүүлүгүн 70% га чейин жогорулатуу боюнча чараларды камтыйт.
