ДСУнун маалыматына ылайык, 2024-жылы туберкулез 1,2 миллиондон ашык адамдын өлүмүнө себеп болуп, болжол менен 10,7 миллион адамга таасир этти, дүйнөдөгү эң кооптуу жугуштуу оорулардын бири болуп калды.
Докладда 2023 жана 2024-жылдар аралыгында туберкулез менен ооруу көрсөткүчү дээрлик эки пайызга төмөндөгөнү, ал эми өлүм көрсөткүчү үч пайызга кыскарганы көрсөтүлгөн.
Анткен менен, бул ооруны толук жоюу жогорку оорулуулук деңгээли бар өлкөлөрдө маанилүү прогресстен башка мүмкүн эмес. 2024-жылы жаңы учурлардын 87 проценти 30 өлкөдө катталган, алардын ичинен сегиз өлкө, анын ичинде Индия, Индонезия, Филиппиндер, Кытай, Пакистан, Нигерия, ДР Конго жана Бангладеш жалпы учурлардын 67 пайызын түздү.
Отчетто 2000-жылдан бери убагында дарылоо 83 миллион адамдын өмүрүн сактап калууга жардам бергендиги да белгиленет. 2024-жылы 8,3 миллион адам дарыланууну алган, бул бардык ооругандардын 78 пайызын түзөт. 54 пайыз учурларда оору экспресс-методдор аркылуу диагноз коюлду, ал эми сезимтал формаларды дарылоонун натыйжалуулугу 88 пайызга жетти.
Анткен менен, прогресс ДСУнун белгилеген максаттарынан алыс турат. Туберкулез менен күрөшүүгө каражат бөлүү токтоп калды: 2024-жылы болгону 5,9 миллиард доллар чогултулду, бул керектүү 22 миллиард доллардын төрттөн биринен аз.
2025-жылдан баштап эл аралык жардамдын кыскарышы 2035-жылга чейин 2 миллион кошумча өлүмгө жана 10 миллион жаңы оорулууга алып келиши мүмкүн.
Изилдөөлөрдү каржылоодо да абал жакшы эмес: 2023-жылы ал 1,2 миллиард долларды түздү, бул керектүү деңгээлдин болгону 24 пайызы. Бирок 2025-жылдын августуна чейин 63 жаңы диагностикалык тест, 29 дары жана 18 вакцина иштелип чыгууда.
Отчетто тамактануунун жетишсиздиги, ВИЧ, диабет, тамеки тартуу жана алкоголь сыяктуу коркунуч факторлорун эске алуунун маанилүүлүгү, ошондой эле эпидемия менен күрөшүүдө комплексдүү жакындашуу зарылдыгы белгиленет.
ДСУ мамлекеттерди 2030-жылга чейин туберкулезду жоюу боюнча аракеттерин тездетүүгө чакырат.
