Бул демилге 2030-жылга чейин өнүктүрүүнүн Улуттук программасына киргизилген иш-чаралардын бир бөлүгү болуп, Министрлер Кабинети тарабынан бекитилген. Скрининг 2026-жылдын IV кварталынан 2030-жылдын IV кварталына чейин мектепке чейинки балдар жана башталгыч класстагы окуучуларды камтыйт.
Планга ылайык, максат — көрсөтүлгөн жаш курагындагы балдардын 90% дан кем эмес комплекс текшерүүлөрдү өткөрүү. Жыйналган маалыматтардын негизинде балдардын канынын свинец деңгээлин жана анын ден соолукка тийгизген таасирин баалаган салыштырмалуу аналитикалык отчет даярдалат.
Скрининг беш жылда бир жолу өткөрүлөт, бул учурда канынын свинец деңгээли 5 мкг/дл ашкан балдарга көңүл бурулат.
Демилгенин каржылоосу республикалык бюджеттин эсебинен жана өнүктүрүү тармагындагы өнөктөштөрдүн жардамы менен жүргүзүлөт.
