Бул иш өлкөнүн ар бир районунда жүргүзүлөт. Изилдөөнүн жыйынтыктары калктын муктаждыктарын канааттандыруу үчүн кандай азыктар жетиштүү көлөмдө өндүрүлүп жатканын, ошондой эле кайсы тармактарда кошумча колдоо керек экенин аныктоого жардам берет. Алынган маалыматтын негизинде министрлик негизги айыл чарба өндүрүүчүлөрү, жеткирүүчүлөр жана сатуучүлөр менен системалуу өз ара аракеттешүүнү уюштурууну пландаштырууда.
Бул долбоордун алкагында төмөнкүлөр каралууда:
— айыл чарба өндүрүүчүлөрүнө, жеткирүүчүлөргө жана сатуучүлөргө колдоо жана стимул берүү механизмдерин түзүү;
— азык-түлүк чынжырынын бардык катышуучуларынын ортосундагы аракеттерди координациялоо жана байланыштарды орнотуу;
— региондордо калкты азык-түлүк менен туруктуу камсыздоо жана азык-түлүк коопсуздугун бекемдөө.
Анализдин жыйынтыктары азык-түлүк коопсуздугун жогорулатууга, ички өндүрүштү өнүктүрүүгө жана импортко көз каранды болууну азайтууга багытталган мамлекеттик колдоо боюнча практикалык чаралар жана инструменттерди иштеп чыгуу үчүн негиз болуп кызмат кылат.
