Саламаттык сактоо министрлигинин маалыматына ылайык, жабыркагандардын 13үндө көмүр кычкыл газынан уулануу диагнозу коюлган, бир адамдын болсо биринчи даражадагы күйүк алганы белгилүү.
Саламаттык сактоо министри Каныбек Досмамбетов ооруканада жабыркагандарды зыярат кылды.
Төрт бейтаптын абалы орто оор деп бааланууда, экөө оор абалда, ал эми сегизинин абалы канааттандырарлык.
«Пациенттердин абалынын оорлугу кошумча оорулардын болушу, ошондой эле көмүр кычкыл газынан жана күйүүчү заттардан уулануу менен түшүндүрүлөт», - деп белгиленет ведомствонун билдирүүсүндө.
