Кыргыз Республикасынын Тышкы иштер министрлиги тарабынан берилген маалыматка ылайык, Кыргызстандын Швейцариядагы элчилиги жергиликтүү органдар менен активдүү кызматташып, каза болгондор же жабыркагандар арасында Кыргызстандын жарандары бар-жогун аныктоодо. Учурдагы алдын ала маалыматтар боюнча, жабыркагандардын арасында кыргызстандыктар жок, бирок текшерүү процесси уланууда.
Трагедиялык окуяга байланыштуу Кыргызстандын Тышкы иштер министри Жээнбек Кулубаев швейцариялык кесиптеши Иньяцио Кассиске көңүл айтты. Катында ал жоготуулар боюнча терең кайгыруу сезимин билдирип, каза болгондордун үй-бүлөлөрүнө чын жүрөктөн көңүл айтуу менен, жабыркагандарга тез арада сакайып кетүүнү каалады.
