Уюмдун билдирүүсүндө, бир катар Telegram-каналдарында, анын ичинде «Евразийский брифинг» каналында жалган маалыматтардын пайда болушу менен байланыштуу, Тажик тарап 2025-жылдын 26 жана 30-ноябрында болгон окуялар боюнча ОДКБдан эч кандай колдоо сураган эмес деп белгиленди.
Мындан тышкары, ОДКБ Тажикстандын Афганистан менен чек араны бекемдөө боюнча ОДКБнын алкагында өнөктөштөр менен өз ара аракеттенүүсү 2024-жылы Астанада өткөн Коопсуздук кеңешинин сессиясында бекитилген мамлекеттер аралык программа негизинде жүргүзүлүп жатканын баса белгиледи.
Эскерте кетсек, ноябрь айынын аягында Тажикстандын аймагы Афганистандан ок атууга дуушар болуп, бул беш Кытай жаранынын өлүмүнө алып келген эки окуя болгон. Тажикстандын президенти Эмомали Рахмон бул провокациялык аракеттерди айыптап, келечекте ушундай окуяларды алдын алуу үчүн чараларды көрүүнү тапшырган. Республикадын тышкы иштер министрлиги да Афганистандын өкмөтүн чек арада туруктуулукту жана коопсуздукту камсыздоо үчүн зарыл чараларды көрүүгө чакырган.
