Украинанын президенти Владимир Зеленский мурда диктаторлорго каршы мындай аракеттер натыйжалуу болсо, Вашингтондо келечектеги кадамдар боюнча так пландар бар экенин билдирген.
Журналист Трампка Путинди кармоо буйругун берүүгө даярбы деген түз суроо берди.
Трамп бул суроого: "Мен муну жасоонун зарылдыгын көрбөйм. Менин ал менен ар дайым жакшы мамилем болгон" деп жооп берди.
Америкалык президенттин айтымында, Путин "Европадан коркпойт, бирок менин жетекчилигимдеги АКШдан коркот". Ал "Европа артта калды жана өзүн колго алышы керек" деп кошумчалады.
Украинадагы конфликт тууралуу сүйлөшүп жатып, Трамп согуш бир күнү чечилет деп ишенерин билдирди. "Мен бул тезирээк болот деп үмүттөнөм, анткени көп адамдар, негизинен аскерлер, өмүрүн жоготууда", - деди ал.
Эскертсек, 3-январда АКШ Венесуэлада операция өткөрүп, Николас Мадуро жана анын жубайы Силия Флорес кармалган. Эки күндөн кийин Нью-Йоркте аларга "наркотерроризм", АКШга кокаин алып кирүү максатында сүйлөшүү жана куралды мыйзамсыз сактоо боюнча айыптар коюлган. Мадуро жана Флорес өз күнөөсүн мойнуна алган жок; кийинки сот отуруму 17-мартка белгиленген.
Мындан тышкары, Fox News телеканалына берген интервьюсунда Трамп Мексикада наркокартелдерге каршы жердеги операция өткөрүү ниети тууралуу айтты, алар, анын айтымында, өлкөнү фактически көзөмөлдөп турушат.
