Бишкек ШИИБинин пресс-кызматынын сүрөтү
Кызматтын маалыматына ылайык, кармалгандардын арасында Акунованын кызы жана жээндиги бар.
Тергөөнүн маалыматы боюнча, алар шайлоочулардын добушун сатып алуу уюштурууга тартылган.
«Оперативдик иш-чаралардын алкагында шайлоочулардын добушун сатып алуу максатында 360 миң сомдун өткөрүлүшү катталган. Каражаттарды алган соң, кармалгандар сатып алуу схемасын ишке ашыруу боюнча көрсөтмөлөрдү берип, кийинки аракеттер үчүн шайлоочулардын тизмелерин чогултушкан», — деп айтылат билдирүүдө.
Аларга Кыргыз Республикасынын Кылмыш-жаза кодексинин 196-беренеси «Шайлоочулардын добушун сатып алуу» боюнча кылмыш иши козголгон.
Кармалгандар Бишкек ШИИБинин убактылуу кармоо жайына жайгаштырылды. Свердлов райондук соту 23-декабрга чейин СИЗО № 1де кармоо менен камакка алуу чарасын белгиледи.
Мурда Борбордук шайлоо комиссиясы Лира Акунова жана Гульназ Халилова (округ № 24) Жогорку Кенештин депутаттыгына талапкер катары каттоосун жокко чыгарган.
Эскерте кетсек, эки талапкер шайлоочулардын добушун сатып алуу боюнча шектелүүдө. Милиция мурда ЦИКтен алардын кылмыш жоопкерчилигине тартылышы үчүн макулдук алган.
