Текшерүү иштери 2012-жылдан бери аталган уюшкан кылмыштуу топтун мүчөлөрү жергиликтүү ишкерлерден системалуу түрдө акча талап кылып, ошондой эле Жалал-Абад, Ош жана Баткен облустарында уурулук жана тоноо кылмыштарын жасаганын көрсөткөн.
Бул кылмыштуу коомду түзүү боюнча 262-беренеге ылайык кылмыш иши козголду. Оперативдик иш-чаралардын жүрүшүндө группировканын контрабанда товарларын ташуу, ошондой эле Баткен облусунан Тажикстанга наркотиктерди жана уурдалган унааларды ташуу менен алектенгени аныкталды.
