Сапарбаевдин маалыматына ылайык, мындай кайрылуулар саны 4 320га көбөйгөн. Мындан тышкары, коргоо ордерлерин алуу үчүн укук коргоо органдарына кайрылган жабырлануучулардын саны да өскөн.
Ал ошондой эле Кыргызстанда үй-бүлөлүк зомбулук боюнча квалификацияланган 31 киши өлтүрүү фактысы катталганын белгиледи.
Бул жылы милиция 12 756 коргоо ордерин берген, бул 2024-жылдын ушул мезгилине салыштырганда 20 пайызга көп.
Үй-бүлөлүк зомбулукка кабылган аялдардын орточо жашы 25тен 40 жашка чейин, деп кошумчалады бөлүмдүн начальниги.
Эскерте кетсек, 24-декабрда Бишкекте коомдук резонанс жараткан трагедия болду: мурдагы күйөөсү жубайын туулган күнүндө өлтүргөн. Милициянын маалыматы боюнча, кылмыш жасалган учурда ал алкогольдик мас абалда болгон.
