Укук коргоо уюмдарынын маалыматы боюнча, бул кайрылуулардын 24ү үй-бүлөлүк зомбулукка, 46сы алименттик милдеттенмелерге, ал эми 31и балдардын укуктарына байланыштуу. Калган кайрылуулар соттук териштирүүлөрдү мониторингдөө, эмгек укуктары, медициналык жана билим берүү мекемелерине болгон арыздар, ошондой эле кризис борборлоруна жайгаштыруу жана психологиялык жардам алуу менен байланышкан ар кандай аспектилерди камтыйт.
Үй-бүлөлүк зомбулукка кабылган аялдар бир катар олуттуу көйгөйлөргө дуушар болушат:
- соттук-медициналык экспертиза көбүнчө ден соолукка болгон жеңил зыянды гана каттайт, ал эми жабыркагандар өздөрүнүн жаракаттарынын олуттуулугун сезишет;
- көптөгөн иштер сотко чейинки стадияда жабылат;
- кылмыштын квалификациясы жетиштүү негиздерсиз өзгөртүлүп жаткан учурлар кездешет;
- агрессорлор коргоо буйруктарынын шарттарын эске албайт;
- тергөө иштери адвокаттын катышуусуз жүргүзүлөт;
- жабыркагандар көп учурда суракка бир нече жолу чакырылышат;
- аялдар агрессор менен бир үйдө жашоосун улантууда, бул зомбулуктун кайталанышына алып келет;
- зомбулукка кабылган адамдар Стамбул протоколу жөнүндө жетиштүү маалыматка ээ эмес, ал зомбулук учурларын документтештирүү үчүн медициналык мекемелер тарабынан толтурулушу керек.
Акыйкатчы институту зомбулукка кабылган аялдарды колдоодо, алардын укуктарын жана кызыкчылыктарын коргоодо активдүү иш алып барууда. Иш индивидуалдуу мамиле менен ар бир окуяга негизделген жана төмөнкүлөрдү камтыйт:
- маалыматтарды чогултуу жана талдоо, коргоо чараларын аткарууну мониторингдөө;
- жабыркагандарга алардын укуктарын жана жеткиликтүү жардам механизмдерин түшүндүрүү;
- укук коргоо органдары тарабынан аракетсиздик же кечиктирүү учурларында институт прокурордук көзөмөлдү баштап, зарыл чараларды кабыл алууну талап кылат.
Мындан тышкары, кызматкерлер юридикалык кеңештерди беришет, аялдарды кризис борборлоруна, медициналык мекемелерге жана социалдык коргоо кызматтарына жөнөтүшөт, психологиялык колдоо алуу боюнча жардам беришет, комплекстүү жардам көрсөтүп, соттук процесстерди мониторингдешет.
