Fox News сүрөтү. Миннеаполисде АКШ иммиграция кызматынын кызматкери катышкан трагедия болду.
Ведомствонун маалыматы боюнча, аял өз унаасын курал катары колдонууга аракет кылып, агенттерди сүзүп кетүүгө аракет кылгандыктан атып өлтүрүлгөн. ICE бул окуяны «ички терроризм актасы» деп баалап, кызматкердин өзүн коргоо максатында аракет кылганын билдирген.
Окуя болгон жерде көптөгөн күбөлөр чогулуп, ICE кызматкерлеринин аракеттерин айыптап, бул өлтүрүү деп атап, штаттан кетүүгө чакырышты.
Миннеаполис мэри Джейкоб Фрей расмий позицияны сындап, аны «бош сөз» деп атап, болгон окуяны «акылсыз күч колдонуу» деп мүнөздөдү.
CBS маалыматтарына ылайык, мурда Миннеаполиске эки миңден ашык ICE кызматкери жөнөтүлгөн, алар өкмөттүк программалардагы алдамчылыкка байланыштуу 150дөн ашык адамды камакка алышкан. ICEдин бул региондогу активдүүлүгү акыркы жумада жогорулаган.
Эскерте кетсек, Дональд Трамптын экинчи мөөнөтүнүн башталгандан бери өлкөдө мыйзамсыз мигранттарды массалык түрдө чыгаруу саясаты улантылып жатат.
