Жарымда, АКШда уруксат документтерисиз жүргөн мигранттар, эгерде CBP Home мобилдик тиркемеси аркылуу өз ыктыяры менен депортациялоого катталса, 3 миң доллар жана өз өлкөсүнө бекер учуу билети ала алышат. Ошондой эле, бул программага катышуу миграция мыйзамдарын бузгандыгы үчүн айып пулдардан жана жаза санкцияларынан бошотот.
DHSтин жетекчиси Кристи Ноэм январь 2025-жылдан тартып 1,9 миллион мыйзамсыз мигрант өлкөнү өз ыктыяры менен таштап кеткенин, жүздөгөн миңдер CBP Home программасын пайдаланганын билдирди. Ал Рождество майрамдарынын алдында бийлик мигранттар үчүн «стимулду үч эсе көбөйтүү» чечимин кабыл алганын, бирок бул сунуш жылдын аягына чейин гана күчүндө болорун белгиледи.
«Мыйзамсыз мигранттар бул мүмкүнчүлүктөн пайдаланууга тийиш. Болбосо, алар кармалып, камалып, депортацияланып, кайра кайтып келе алышпайт», — деп эскертти Кристи Ноэм.
DHS ошондой эле CBP Home тиркемеси аркылуу өз ыктыяры менен депортация процессинин жөнөкөй жана ылдам экенин белгиледи: тиркемени жүктөп алып, өз маалыматтарын киргизүү керек, андан кийин ведомство сапарды уюштуруп, төлөйт.
Белгиленген мөөнөттө сунуштан пайдаланбаган адамдарга мажбурлап кармоо жана депортация менен бирге АКШга кирүүгө өмүр бою тыюу салынары министрликтен билдирилди.
