Келгендердин маалыматына ылайык, «Лодочка» аттракциону 2025-жылдын 31-декабрында ишин кайра баштады.
Экология жана техникалык көзөмөл министрлигинин Экология жана техникалык көзөмөл кызматынын Ош облустук башкармалыгынын жетекчиси Асанбек Мамыраимов билдиргендей, кырсык болгон жерде кайрадан текшерүүлөр өткөрүлөт.
Ал текшерүүлөрдүн жыйынтыгы боюнча кошумча маалымат берилерин кошумчалады.
Эскерте кетсек, трагедия 2025-жылдын 21-сентябрында болуп, жашы жете элек кыз аттракциондон кулап, ошол жерде каза болгон. Окуя 13:30 чамасында болуп, тез жардам кызматынын маалыматы боюнча, келген медиктер аны тирилте алган эмес.
2024-жылдын апрель айында Ош шаарынын мэриясынын коллегиясында эс алуу парктарындагы айрым аттракциондордун алдын ала техникалык текшерүүлөрсүз иштеп жатканы тууралуу маселе талкууланган. Ошондой эле коопсуздук нормаларынын сакталуусун катуу көзөмөлдөө зарылдыгы айтылган.
