Бүгүн таңертең Бишкекте, Жибек-Жолу проспектиси менен Осмонкул көчөсүнүн кесилишинде белгисиз эркек киши башка бир айдоочуга курал менен коркутуу фактылары болду. Андан кийин ал окуя болгон жерден качып кетти.
Свердлов районунун Ички иштер башкармалыгынан алынган маалыматка ылайык, бул окуя боюнча Кыргыз Республикасынын Кылмыш-жаза кодексинин 280-беренеси (Хулигандык) боюнча кылмыш иши козголду.
Оперативдүү-издөө иш-чараларынын натыйжасында шектүү катары 48 жаштагы С.Ф. аттуу жаран аныкталды. Учурда тергөө иштери улантылууда. Конфликтте колдонулган (газопневматикалык) тапанча экспертизага өткөрүлдү.
Шектүү Бишкек Шаардык Ички иштер башкармалыгынын убактылуу кармоо жайында жатат. Тергөө улантылууда.
