«Хулигандык» фактысы боюнча кылмыш иши козголду
Ички иштер министрлигинин маалымат кызматынан алынган маалыматтарга ылайык, социалдык тармактарда белгисиз эркектин бир нече адамга физикалык жана психологиялык зомбулук көрсөткөн видеосу таралган.
Бишкектин Свердлов районунун Тергөөнү жүргүзүү кызматы тарабынан жүргүзүлгөн текшерүүнүн натыйжасында Кыргыз Республикасынын Кылмыш-жаза кодексинин 280-беренесине ылайык «Хулигандык» боюнча кылмыш иши козголду.
Оперативдүү-издөө иш-чараларынын жүрүшүндө укук коргоо органдары шектүүнүн жеке башын аныктоого жетишти. Ал 1993-жылы туулган Ф.В. аттуу жаран болуп чыкты.
Шектүү Бишкектин ГУВДсынын убактылуу кармоо жайына жайгаштырылды.
Маалымат кызматынан алынган сүрөт
