Архивден алынган сүрөт
Атазов 2025-жылдын күзүндө кармалгандан кийин массалык башаламандык уюштурууга шектелип, коомчулуктун көңүл борборуна түштү.
Мурда дагы бир экс-депутат Кубанычбек Кадыровдун камактан бошотулганы тууралуу маалыматтар болгон. Бу маалыматтарды булактар тастыктады.
Эскерте кетсек, 2025-жылдын 22-ноябрында массалык камактар болгон. Ички иштер министрлиги Жогорку Кенештин шайлоосунан кийин башаламандык уюштурууну пландаган топтун ишин токтоткондугун маалымдады. Операциянын жүрүшүндө саясий ишмерлер жана экс-депутаттар гана эмес, мурдагы президент Алмазбек Атамбаевдин уулу да кармалган. Жалпысынан укук коргоо органдары 10 адамды камакка алды, алардын арасында:
- Темирлан Султанбеков;
- Шайлообек Атазов;
- Эрмек Эрматов (айрым маалыматтар боюнча, ал Темирлан Султанбековдун айдоочусу);
- Дамир Мусакеев (мурдагы ГКНБнын Тогузунчу кызматынын жетекчиси жана атайын кызматтын орун басары, ошондой эле Алмазбек Атамбаевдин мамлекеттик коргоо начальниги);
- Кадыр Атамбаев (Алмазбек Атамбаевдин уулу);
- Урмат Аскарбеков (бизнесмен Урмат Барыктабасов);
- Кубанычбек Кадыров;
- А. у. Э., 1993-жылы туулган;
- К.Н., 1993-жылы туулган;
- Ш.Т., 1986-жылы туулган.
Аларга Кыргыз Республикасынын Кылмыш-жаза кодексинин 36-беренеси «Кылмышка даярдануу», 41-беренеси «Кошо катышуучулардын түрлөрү», 278-беренеси «Массалык башаламандык уюштуруу» жана 326-беренеси «Күч менен бийликти басып алуу» боюнча айыптар коюлган.
