Ал мыйзамсыз аракеттерге чакырган
Коомдук коопсуздук органдарынын маалыматына ылайык, Бишкекте массалык башаламандык боюнча иштин алкагында жаран кармалды.
Кыргыз Республикасынын Кылмыш кодексинин 278-беренеси боюнча башталган тергөө иштеринин жүрүшүндө, бир нече жаран мамлекеттик саясатка каршы нааразычылык билдирип, массалык башаламандык уюштурууга багытталган аракеттерге активдүү чакырык таштаганы белгилүү болду.
52 жаштагы Дж.М. шектүү катары кармалды. Анын үйү жана унаасы тинтүүгө алынган.
Тинтүү учурунда Toyota 4Runner үлгүсүндөгү унаадан Дж.М. атындагы документтер, ар кандай маркадагы беш мобилдик телефон, микро-SIM-карта, чет өлкөлөрдүн номерлери, жазуулар менен эки күндөлүк, «Ашара Хидаст» деп белгиленген 14 барактан турган папка, араб тилиндеги китептер, ошондой эле «ИНЕ» радиостанциясы жана тергөө үчүн кызыктуу болгон башка буюмдар табылып, алынган.
Шектүү убактылуу кармоо жайына жайгаштырылды. Первомай райондук соту аны 2026-жылдын 5-январына чейин камакка алуу чечимин чыгарды.
Сүрөт www
