Ведомствонун маалыматы боюнча, 2026-жылдын 27-январында Ички иштер башкармалыгына Б. Д. аттуу жаран кайрылган. Ал ошол күнү, саат 18:15 чамасында, мечиттердин биринде белгисиз адам анын маанилүү документтери бар сумкасын уурдап, окуя болгон жерден качып кеткенин айтты.
Бул факт боюнча Ленин районунун Ички иштер башкармалыгынын тергөө кызматы Кыргыз Республикасынын Кылмыш кодексинин 205-беренеси "Уурдоо" боюнча кылмыш ишин баштады.
Натыйжада, ыкчам-издөө иш-чараларынын жүрүшүндө милиция кызматкерлери 2008-жылы туулган С. А. аттуу шектүүнү аныктап, кармашты. Ал тергөө органдарына ары карай териштирүү үчүн жеткирилди.
Тергөө уланууда.
