Свердлов районунун Ички иштер башкармалыгынын маалымат кызматы берген маалыматка ылайык, 1-февралда милицияга бир аялдан арыз түшкөн. Ал ошол эле күнү, Төмөнкү Ала-Арча конушунда жайгашкан үйүндө, күйөөсү ага ок атуучу курал менен коркутуп, денесине жаракат бергенин айтып берген.
Окуя боюнча Тергөө кызматы КРнын Кылмыш-жаза кодексинин 138-беренесинин 2-бөлүмү (Зомбулук) боюнча кылмыш ишин козгоду.
Укук коргоо органдары 1968-жылы туулган К.О. аттуу эркекти кармашты. Ал убактылуу кармоо жайына жайгаштырылды.
Ошондой эле экспертиза үчүн алынган ок атуучу курал да алынды.
Тергөө уланууда.
